विरुध्‍द पक्षातर्फे श्री दलाल यांनी अर्ज दाखल केला की ग्राहक तक्रार क्रमांक 54/09 मधील दिनांक 30/6/2009 च्‍या आदेशाच्‍या पुर्ततेसाठी  सदरचा अंमलबजावणी अर्ज 228/09 दाखल केला होता. त्‍यावर विरुध्‍द पक्षाने मा.राज्‍य आयोगाकडे अपील क्रमांक 589/09 दाखल केला होता आणि मंचाच्‍या आदेशाप्रमाणे पुर्ण  रक्‍कम राज्‍य आयोगाकडे जमा केली होती. सदर अपीलाचा निकाल लागून दिनांक 21/8/2014 रोजी अपील खारीज झाल्‍यावर पुर्वी दाखल केलेला अंमलबजावणी अर्ज प्रलंबित असतांना तक्रारकर्त्‍याने दुसरा अंमलबजावणी अर्ज क्रमांक 11/2014 दाखल केला. मा.राज्‍य आयोगाकडे विरुध्‍द पक्षाने जमा केलेली रक्‍कम तक्रारकर्त्‍यास देण्‍यात आल्‍यामुळे अंमलबजावणी अर्ज क्रमांक 11/2014 दिनांक 4/9/2014 रोजी काढून टाकण्‍यात आला. मंचाच्‍या आदेशाची विरुध्‍द पक्षाकडून पुर्ण पुर्तता झाली असल्‍यामुळे सदरचा अंमलबजावणी अर्ज काढून टाकावा. वरील प्रमाणे मंचाच्‍या आदेशाची पुर्ण पुर्तता झाली असल्‍यामुळे सदरचा अंमलबजावणी अर्ज काढून टाकण्‍यात आला.