कलम ३६(२) प्रमाणे आदेश.

द्वारा-एम.पी.कासार, सदस्‍य.

प्रस्‍तुत तक्रार ही दि. २७/१२/२२ रोजी दाखल करण्‍यात आली आहे. दि. १३.०१.२३ रोजी प्रस्‍तुत तक्रार दाखल कामीचे सुनावणीसाठी तक्रारदारांचा युक्‍तीवाद ऐकण्‍यासाठी कोरम पुर्ण असतांना,सकाळसत्रामध्‍ये ११.२० मिनीटानी पुकारले असता तक्रारदार गैरहजर तसेच तक्रारदारांना तक्रार दाखलते कामी सुनावणीत योग्‍य हेतू , संधी मिळणेचे हेतूने प्रकरण दुपारसत्रामध्‍ये २.१५ मिनीटानी पुन्‍हा पुकारले असता तक्रारदार पुन्‍हा गैरहजर. प्रस्‍तुत तक्रार दाखल करुन घेणे कामीच्‍या सुनावणीस विनाकारण गैरहजर राहीलेले आहेत. सबब तक्रारदारांना योग्‍य संधी देवूनही ते गैरहजर असल्‍यामुळे प्रस्‍तुत तक्रार व तक्रारीसहचे दस्‍त वाचन करुन तक्रार दाखल करुन घेणे किंवा नाही या निष्‍कर्षाप्रत येण्‍यासाठी तक्रारसंचाचे वाचन केले. तक्रारसंचाचे वाचन करतांना प्रामुख्‍याने खालील बाबी निदर्शनास आल्‍या.  तक्रारदारांनी तक्रार ही हस्‍तलिखीत स्‍वरुपात (कर्सिव्‍ह लिपीत) केली आहे व तक्रारीतील मजकूर सहजरितीने वाचता येत नाही. तरीही तक्रारीतील कथनांचे व जोडलेल्‍या दस्‍तांचे वाचन केले व  प्रस्‍तुत तक्रार ग्राहक संरक्षण अधिनीयम २०१९ मधील तरतुद कलम ३६(२) अन्‍वये तक्रारीतील नमुद सामनेवाले विरुध्‍द दाखल करुन घेणेस, ग्राहक संरक्षण अधिनियम कायदयातील तरतुदीनूसार योग्‍य ती कारणे व स्‍वरुप विशेषतः तक्रारदार हे तक्रारीतील नमुद सामनेवालेंचे ग्राहक या कक्षेत येतात काय? तसेच तक्रारीतील नमुद सामनेवालेकडून सेवा प्राप्‍त करण्‍यासाठी प्रथमदर्शनी तक्रारदारांनी मोबदला दिला आहे काय? हे दिसून येत नसल्‍या कारणे प्रस्‍तुत तक्रार ही दाखल टप्‍प्‍यावर नाकारण्‍यात येणे योग्‍य असल्‍याचे आमचे मत होत आहे. सबब आम्‍ही खालील प्रमाणे कलम ३६(२) अन्‍वये आदेश पारित करतो.

आ दे श

१. तक्रार क्र.सीसी/२२/४३७ दाखल टप्‍यावर नाकारण्‍यात येते.