प्रस्‍तुतच्‍या अर्जामध्‍ये आज तक्रारदारांचा पडताळणी जबाब नोदविणे आहे. त्‍या संबंधी तक्रारीतील मुळ आदेशाचे अवलोकन केले असता असे आढळून येते की, तक्रारदारांची मुळ तक्रार ही रद्द करण्‍यात आली होती. कारण मुळ तक्रारीकामी सा.वाले यांनी तक्रारदार यांचा टॅबलेट संगणक दुरुस्‍त करुन देण्‍यासाठी तंयार ठेवला होता. तरी देखील तक्रारदारांनी सदरचा संगणक परत घेतला नाही व त्‍यामुळे तक्रारदार यांच्‍या चुकीमुळे सदर संगणक सा.वाले यांचेकडे पडून आहे. त्‍यामुळे सा.वाले यांचे कडून कोणत्‍याही प्रकारे सेवा सुविधा पुरविण्‍यात कसुर आढळून न आल्‍यामुळे तक्रारदारांची तक्रार रद्द करण्‍यात आली होती. परंतु सा.वाले यांचेकडे असलेला संगणक तक्रारदारांना दुरुस्‍त करुन देण्‍यासाठी त्‍यांना आदेश देण्‍यात आले होते. मुळ तक्रारीत सा.वाले हे टॅबलेट संगणाची दुरुस्‍ती करुन देण्‍यास तंयार होते. परंतु तक्रारदार त्‍यास तंयार नव्‍हते. अशा परिस्थितीत सा.वाले यांचे विरुध्‍द ग्राहक तक्रार कायदा कलम 27 प्रमाणे प्रोसेस जारी करण्‍यासाठी प्राथमिकदृष्‍ठया बाब आढळून येत नाही. सबब सा.वाले यांचा दरखास्‍त अर्ज दाखल न करुन घेता निकाली काढण्‍यात येतो. प्रकरणात हाच अंतीम आदेश समजण्‍यात यावा. प्रकरण समाप्‍त.

   आदेशाची प्रत तक्रारदारांना पाठविण्‍यात यावी.

साधाप/(19.1.2016)