(मंचाचे निर्णयान्वये, अनिल एन. कांबळे, अध्यक्ष,प्रभारी)
(पारीत दिनांक : 24 जुन 2009)
1. अर्जदाराने, सदरची दरखास्त गैरअर्जदाराचे विरुध्द ग्राहक संरक्षण कायदा
1986 चे कलम 27 अन्वये दाखल केले आहे. अर्जदाराने, तक्रार क्र. 17/2008 दाखल केली होती. त्यात पारीत केलेला आदेश दिनांक 7 जानेवारी 2009 चे पालन गैरअर्जदाराने न केल्यामुळे, सदर दरखास्त दाखल करुन गैरअर्जदारावर कार्यवाही करण्यात यावी, अशी मागणी केलेली होती.
... 2 ...
... 2 ...
2. अर्जदाराची दरखास्त नोंदणी करुन, गैरअर्जदारास नोटीस काढण्यात आले. गैरअर्जदार हजर होऊन आपले म्हणणे निशाणी 5 नुसार सादर केले होते. अर्जदाराची दरखास्त न्यायप्रवीष्ट असतानांच, अर्जदार व गैरअर्जदार यांच्यात आपसांत समझोता झाला. अर्जदाराने एक दिवस आधी कार्यालयात नि.क्र. 7 नुसार पञ सादर केले. त्यानुसार, अर्जदारास उपस्थित राहण्यास सांगीतले, परंतु अर्जदार सतत गैरहजर. अर्जदारचा वाद मिटला असल्यामुळेच अर्जदार सतत गैरहजर राहून काहीच कार्यवाही केली नाही, त्यामुळे अर्जदारास, गैरअर्जदाराविरुध्द दरखास्त पुढे चालावयाची नाही असे स्पष्ट होत असल्यामुळेच, अर्जदाराची दरखास्त अंतिमतः निकाली काढून, खालीलप्रमाणे आदेश पारीत करण्यात येत आहे.
// अंतिम आदेश //
अर्जदाराची दरखास्त आपसी समझोत्यामुळे खारीज.
गडचिरोली.
दिनांक :–24/06/2009.
