निशाणी 1 वर  आदेश पारीत                                                                           

1.         तक्रारदार हि टुर्स अॅन्‍ड ट्रॉयव्‍हलचा व्‍यवसाय करणारी कंपनी असून ती सामनेवाले क्रमांक 2 इंडियन रेल्‍वेज कॅटरींग अॅन्‍ड टुरीझम कॉरपोरेशन लि. ची सदस्‍य आहे. व तिला सामनेवाले क्रमांक 1 च्‍या वेबसाईट मार्फत  आपल्‍या ग्राहकांसाठी ई-तिकीटे आरक्षीत करण्‍याचे अधिकार देण्‍यात आले आहे. तक्रारदारांच्‍या म्‍हणण्‍यानूसार सामनेवाले यांनी तक्रारदार कंपनीला त्‍यांची वेबसाईट वापरण्‍यास नकार दिला. ज्‍यामुळे तक्रारदाराच्‍या व्‍यवसायाचे फार मोठे नुकसान झाले. व त्‍यांना प्रस्‍तुतची तक्रार दाखल करण्‍यास भाग पडले.

2            तक्रारदारांच्‍या विद्वान विधिज्ञांचा युक्‍तीवाद ऐकण्‍यात आला.  तसेच अभिलेखावर उपलब्‍ध असलेल्‍या कागदपत्रांचे अवलोकन करण्‍यात आले. तक्रारीमधील विधानांवरून असे दिसून येते की, तक्रारदार कंपनीने व्‍यावसायीक उद्देशासाठी ( Commercial purpose) सामनेवाले यांचेकडून वेबसाईट वापरण्‍याची सेवा घेतली आहे.  उभयतांमधील व्‍यवहार हा वाणिज्‍य स्‍वरूपाचा (Commercial purpose) असल्‍याचे तक्रारीवरून स्‍पष्‍टपणे दिसून येते. अशा परिस्थितीत तक्रारदार  हे ग्रा.सं.कायदा कलम 2(1) डी, मध्‍ये नमूद केलेल्‍या ‘ग्राहक’  या संज्ञेत मोडत नाही. तक्रारदार व सामनेवाले यांचेमधील व्‍यवहार वाणिज्यीक उद्देशासाठी असल्‍यामूळे प्रस्‍तुतची तक्रार मंचात दाखल करून घेता येणार नाही व ती फेटाळण्‍यास पात्र आहे. सबब मंच खालीलप्रमाणे आदेश पारीत करीत आहे.

         आदेश

1.     तक्रार क्रमांक 94/2015 फेटाळण्‍यात येते.

2.     आदेशाची प्रत तक्रारदारांना विनामुल्‍य पाठविणे..

       दिनांक 21/0422015