(Passed on : 02/04/2016)

तक्रारकर्त्‍याच्‍या अधिवक्‍त्‍यांचा दाखल सुनावणी युक्तिवाद ऐकला. तक्रारीच्‍या परिच्‍छेद क्र.2 मध्‍ये नमुद आहे की, तक्रारकर्ता सहकारी संस्‍था ही फळे भाजीपाला खरेदी विक्रीचा व्‍यवसाय करते. सदर  व्‍यवसायासाठी त्‍यांनी विरुध्‍द पक्ष क्र.1 महिंद्रा ऍन्‍ड महिंद्रा निर्मित वाहन विरुध्‍द पक्ष क्र.3 फॉरच्‍युन  इंटीग्रेटेड असेट्स यांचेकडून कर्ज घेऊन विरुध्‍द पक्ष क्र.2 उन्‍नती मोटर्स यांचेकडे बुक केले आणि डाऊन पेमेंटची रक्‍कम देऊनही तक्रारकर्त्‍यास मोटार वाहन उपलब्‍ध करुन दिले नाही. मात्र विरुध्‍द पक्ष क्र. 3 ने तक्रारकर्त्‍याच्‍या विरुध्‍द पक्ष क्र.4 कडे असलेल्‍या खात्‍यातून कर्ज हप्‍त्‍याची वसूली सुरु केली आहे. तक्रारकर्त्‍याने विरुध्‍द पक्ष क्र.2 कडे बुक केलेल्‍या दोन वाहनांवर महाराष्‍ट्र शासनाकडून दि.31.03.2015 पर्यंत सबसिडी उपलब्‍ध होती. वेळेवर वाहन न पुरविल्‍यामुळे तक्रारकर्त्‍याने विरुध्‍द पक्ष क्र. 2 बरोबरचा वाहन खरेदीचा करार रद्द केला आहे. त्‍यामुळे विरुध्‍द पक्ष क्र.3 ला ई.सी.व्‍दारे वसुलीचा अधिकार नसून त क्रारकर्त्‍याकडून विरुध्‍द पक्ष क्र.3 ने कर्जाची वसुल गेलेली रक्‍कम परत करावी तसेच विरुध्‍द पक्ष क्र. 1 व 2 यांनी डाऊन पेमेंटची रक्‍कम परत करावी यासाठी सदर तक्रार दाखल केली आहे.

तक्रारकर्त्‍याच्‍या स्‍वतःच्‍या कथनावरुन ती व्‍यापारी सहकारी संस्‍था असून आपल्‍या व्‍यवसायासाठी विरुध्‍द पक्ष क्र. 1 व 2 कडे 2 वाहने बुक केली होती व त्‍यासाठी विरुध्‍द पक्ष क्र.3 कडून कर्ज घेतले होते. सदरचा व्‍यवहार हा व्‍यापारी स्‍वरुपाचा (Commercial  Purpose) असल्‍याने त क्रारकर्ता ग्राहक संरक्षण अधिनियमाचे कलम 2(1)(ड) प्रमाणे 'ग्राहक', ठरत नाही व म्‍हणून मंचाला सदरची तक्रार ग्राहक तक्रार म्हणून चालविण्‍याची अधिकारकक्षा नाही.

वरील कारणामुळे सदरची तक्रार चालविण्‍याची मंचाला अधिकार कक्षा नसल्‍याने ग्राहक संरक्षण अधिनियमाचे कलम 12(3) प्रमाणे खारिज करण्‍यांत येत आहे.

तक्रारकर्ता योग्‍य त्‍या न्‍यायालयाकडून दाद मागण्‍यांस मोकळा आहे.