आदेश

मा. सदस्‍य, श्री. सुभाष रा. आजने यांच्‍या आदेशान्‍वये –

1.      तक्रारकर्त्‍याने प्रस्‍तुत तक्रार ग्राहक संरक्षण कायद्याच्‍या कलम 35 अंतर्गत दाखल केली असून त्‍यात नमूद केले की,  त्‍याने विरुध्‍द पक्षाकडून त्‍याच्‍या स्‍वतःचा  व त्‍याची आई- सुहासिनी रत्‍नपारखी आणि दोन मुलांचा असे चौंघाच्‍या नावाची मनीपाल सिगना हेल्‍थ इन्‍श्‍युरन्‍स अन्‍वये  पॉलिसी क्रं. PROHLV050049974,  दि 14.07.2021 ते 13.07.2022 या कालावधीकरिता विमामुल्‍य रक्‍कम रुपये 5,50,000/- करिता काढली होती.
2.      तक्रारकर्त्‍याने पुढे नमूद केले की, त्‍याच्‍या आईला हृदयविकाराच्‍या आजाराकरिता किंग्‍जवे हॉस्‍पीटल नागपूर येथे दि. 12.09.2021 ला भरती केले होते व सदरच्‍या हॉस्‍पीटलमध्‍ये तक्रारकर्त्‍याच्‍या आईच्‍या आजाराकरिता रुपये 4,15,666/- एवढा खर्च आला होता. तक्रारकर्त्‍याने त्‍याच्‍या आईच्‍या आजारपणाचा विमा दावा मिळण्‍याकरिता प्रस्‍ताव सादर केला असता विरुध्‍द पक्षाने तक्रारकर्त्‍याच्‍या आईला हायपरटेन्‍शन व व्‍हेरीकोज व्‍हेन्‍सचा त्रास आहे व तो अगोदर होता काय हे निश्चित न कळल्‍याचे कारण दाखवून  दि. 20.09.2021 ला पत्र पाठवून विमा दावा नाकारला. तक्रारकर्ता हा सदरच्‍या विमा पॉलिसीचा नॉमिनी होता व त्‍याला सदरच्‍या पॉलिसीच्‍या शर्ती व अटी माहिती नव्‍हत्‍या. विरुध्‍द पक्षाने आय.आर.डी.ए. (IRDA) च्‍या गाईड लाईन प्रमाणे तक्रारकर्त्‍याला प्रपोजल फॉर्मची प्रत ही दिली नव्‍हती. त्‍यामुळे तक्रारकर्त्‍याने प्रस्‍तुत तक्रार आयोगा समक्ष दाखल करुन मागणी केली की, विरुध्‍द  पक्षाने तक्रारकर्त्‍याचा विमा दावा रक्‍कम रुपये 4,15,666 /- विमा दावा फेटाळल्‍या तारखेपासून म्‍हणजेच दि. 20.09.2021 पासून द.सा.द.शे. 18 टक्‍के दराने व्‍याजासह रक्‍कम देण्‍याचा आदेश द्यावा. तसेच शारीरिक, मानसिक त्रासाकरिता नुकसान भरपाई व तक्रारीचा खर्च ही देण्‍याचा आदेश द्यावा.

3.   विरुध्‍द पक्ष 1 व 2 ला आयोगा मार्फत पाठविण्‍यात आलेली नोटीस प्राप्‍त होऊन ही ते आयोगा समक्ष उपस्थितीत झाले नाही. त्‍यामुळे विरुध्‍द पक्ष 1 व 2 यांच्‍या विरुध्‍द प्रकरण एकतर्फी चालविण्‍याचा आदेश दि. 23.05.2022 रोजी पारित करण्‍यात आला.
4.      तक्रारकर्त्‍याने दाखल केलेले दस्‍तावेजाचे अवलोकन केले असता  व त्‍यांचा तोंडी युक्तिवाद ऐकून घेतल्‍यावर निकाली कामी खालील मुद्दे विचारार्थ घेतले.

1. तक्रारकर्ता विरुध्‍द पक्षाचा ग्राहक आहे काय ?                  होय

2. विरुध्‍द पक्षाने तक्रारकर्त्‍याला दोषपूर्ण सेवा दिली काय?            होय

3. काय आदेश ?                                  अंतिम आदेशानुसार

<>5.     

             करिता  खालील प्रमाणे अंतिम आदेश पारित.

अंतिम आदेश

1. तक्रारकर्त्‍याची तक्रार अंशतः मंजूर.

2. विरुध्‍द पक्षाने तक्रारकर्त्‍याला विमा दावा अंतर्गत देय असलेली रक्‍कम रुपये 4,15,666/- अदा करावी.

3. विरुध्‍द पक्षाने तक्रारकर्त्‍याला झालेल्‍या शारीरिक, मानसिक त्रासाकरिता नुकसान भरपाई म्‍हणून रुपये 25,000/- व तक्रारीचा खर्च म्‍हणून रुपये 10,000/- द्यावे.

4. वरील आदेशाची पूर्तता आदेशाची प्रत प्राप्‍त झाल्‍याच्‍या तारखेपासून 45 दिवसाच्‍या आंत विरुध्‍द पक्षाने करावी.

5. उभय पक्षांना आदेशाची प्रथम प्रत निःशुल्‍क द्यावी.

6. तक्रारकर्त्‍याला तक्रारीची ब  व  क फाईल परत करावी.