नि. 1 खालील आदेश

 (दि. 27-06-2022 रोजी पारीत)

द्वारा – मा. सौ. सविता प्र. भोसले, अध्‍यक्षा

1.    तक्रारदारांनी प्रस्‍तुतची तक्रार ग्राहक संरक्षण कायदा 2019 चे कलम 34 व 35 प्रमाणे दाखल केली आहे.  तक्रारदार यांनी त्‍यांचे मालकीची शहर कोल्‍हापूर येथील सि.स.नं. 1243/61, शिवाजी उद्यमनगर, कोल्‍हापूर ही मिळकत दि. 26/4/2009 च्‍या लिव्‍ह अॅण्‍ड लायसेन्‍स कराराद्वारे फ्युचर रिटेल लि. या कंपनीस बिग बझार कोल्‍हापूर हे शोरूम काढण्‍याकरिता भाडेतत्‍तावर दिली होती.  सदर करारानुसार दावा मिळकतीचा मालमत्‍ता कर फ्युचर रिटेल लि. यांनी वि.प. यांचेकडे भरणेचा होता.  सदरचा करार फ्युचर रिटेल लि. यांनी दि. 18/11/2019 चे पत्राने दि. 15/01/2020 पासून संपुष्‍टात आणला आहे व त्‍याचा कब्‍जा सोडला आहे व सदरची मिळकत हे तक्रारदार स्‍वतःसाठी वापरीत आहेत.  म्‍हणून तक्रारदारांनी वि.प यांना दि. 20/10/2020 च्‍या पत्राने सदर दावा मिळकतीची आकारणी कुळ वापर नोंद कमी करुन मालक वापराप्रमाणे घरफाळा आकारणी करावी व मिळकत कराचे बिल द्यावे असे कळवून देखील वि.प यांनी त्‍याची दखल घेतलेली नाही.  शहरातील लोकांना पायाभूत सुविधा पुरविणेची कायदेशीर जबाबदारी वि.प. यांचेवर आहे.  सदर सुविधा पुरविण्‍याच्‍या मोबदल्‍यात वि.प. संस्‍था शहरातील राहणा-या लोकांकडून वेगवेगळे कर गोळा करते, त्‍यामुळे तक्रारदार व वि.प. यांचेत ग्राहक व सेवा पुरवठादार असे नाते निर्माण झाले आहे.  तक्रारदाराने त्‍यांचे विनंती कलमामध्‍ये वि.प. यांनी दि. 16/01/2020 रोजीपासून वाद मिळकतीच्‍या कर आकारणी तक्‍त्‍यामध्‍ये कुळ वापर म्‍हणून असणारी नोंद कमी करुन मालक वापर अशी करणेबाबत आदेश व्‍हावा तसेच वि.प. यांनी दि. 16/01/2020 रोजीपासून तक्रारदार यांचेकडून वर नमूद मिळकतीचा मालमत्‍ता कर मालक वापराप्रमाणे आकारुन तो तक्रारदार यांचेकडून स्‍वीकारण्‍याबाबत आदेश व्‍हावा अशी मागणी केली आहे.  म्‍हणून तक्रारदरांनी प्रस्‍तुतची तक्रार या आयोगात दाखल केली आहे.

2.    प्रस्‍तुत प्रकरणी तक्रारदारतर्फे विधिज्ञांचा दाखलपूर्व युक्तिवाद ऐकणेत आला.  प्रस्‍तुत तक्रारअर्जाचे अवलोकन करता तक्रारदारांनी विनंती कलमामध्‍ये, वि.प. यांनी दि. 16/01/2020 रोजीपासून वाद मिळकतीच्‍या कर आकारणी तक्‍त्‍यामध्‍ये कुळ वापर म्‍हणून असणारी नोंद कमी करुन मालक वापर अशी करणेबाबत आदेश व्‍हावा तसेच वि.प. यांनी दि. 16/01/2020 रोजीपासून तक्रारदार यांचेकडून वर नमूद मिळकतीचा मालमत्‍ता कर मालक वापराप्रमाणे आकारुन तो तक्रारदार यांचेकडून स्‍वीकारण्‍याबाबत आदेश व्‍हावा अशी मागणी केली आहे.  ग्राहक संरक्षण कायदयातील तरतुदींनुसार या आयोगास ग्राहक तक्रारीचे निवारण करण्‍यासाठी  आदेश देण्‍याबाबत ज्‍या तरतुदी केल्‍या आहेत, त्‍यामध्‍ये तक्रारदाराने मागणी केलेल्‍या बाबींचा समावेश होत नाही. तक्रारदाराने विनंती कलमामध्‍ये ज्‍या मागण्‍या केल्‍या आहेत, त्‍या ग्राहक संरक्षण कायद्याच्‍या अधिकारकक्षेमध्‍ये येत नाहीत असे या आयोगाचे मत आहे.  सबब, ग्राहक संरक्षण कायद्यातील तरतुदींनुसार प्रस्‍तुतची तक्रार या आयोगास चालविणेचे अधिकार क्षेत्र या आयोगास नाही या निष्‍कर्षाप्रत हे आयोग येत आहे.  सबब, योग्‍य त्‍या न्‍यायालयात/सक्षम ऑथॉरिटीकडे दाद मागणेचा तक्रारदाराचा हक्‍क अबाधीत ठेवून प्रस्‍तुतचा तक्रारअर्ज तक्रारदारास परत करण्‍यात येतो.  सबब, आदेश.   

आ दे श

1. ग्राहक संरक्षण कायद्यातील तरतुदींनुसार तक्रारदार हे वि.प. यांचे ग्राहक होत नसलेने योग्‍य त्‍या न्‍यायालयात/सक्षम ऑथॉरिटीकडे दाद मागणेचा तक्रारदाराचा हक्‍क अबाधीत ठेवून प्रस्‍तुतचा तक्रारअर्ज तक्रारदारास परत करण्‍यात येतो.
2. खर्चाबाबत आदेश नाही.