तक्रारकर्ता स्‍वतः हजर त्‍यांनी युक्तिवाद केला त्‍यातील तथ्‍याप्रमाणे सदर ठिकाणी दोन विद्युत मीटर आहेत. एक मीटर तक्रारकर्ता राहतो त्‍या जागेत आहे व दुसरे मीटर हे सदर ठिकाणी असलेल्‍या मुलींच्‍या होस्‍टेलकरीता वापरले जाते. तक्रारकर्त्‍याचे म्‍हणणे असे आहे की, सदरचा वाद हा मुलींच्‍या होस्‍टेल संबंधाने वापरल्‍या जाणा-या मीटर संबंधीचा आहे. तक्रारकर्त्‍याचा व्‍यवसाय वकीलीचा व्‍यवसाय आहे आणि मुलींचे होस्‍टेल हा व्‍यवसाय त्‍यांचाच, पण वेगळा आहे. त्‍यामुळे उघडपणे विज ही व्‍यावसायीक कारणासाठी वापरली जाते,  असे निदर्शनास येते. त्‍यामुळे तक्रारकर्ता ग्राहक संरक्षण कायद्याचे कलम 2  ड(II) मध्‍ये नमुद तरतुदींप्रमाणे ’ग्राहक’ ठरत नाही. म्‍हणून या मंचास या प्रकरणात अधिकारक्षेत्र प्राप्‍त होत नाही, तक्रारकर्ता या प्रकरणाचा वाद योग्‍य त्‍या न्‍यायालयात उपस्थित करु शकतो त्‍याकरता त्‍याचे हक्‍क अबाधीत आहे. करीता तक्रार खारिज करण्‍यांत येते, दोन्‍ही पक्षांनी तक्रारीचा खर्च स्‍वतः सोसावा.