| Complaint Case No. CC/20/59 | | ( Date of Filing : 02 Jul 2020 ) |
| | | | 1. Shri.Krishnarao Vishvanath Adagulwar | | DR.Adgulwar yanchya gharajawal,netaji chowk,babupeth,chandrapur, tah.Dist.Chandrapur | | Chandrapur | | Maharashtra |
| ...........Complainant(s) | |
| Versus | | 1. Dhanvrudhi chit Fund Pvt.Ltd. Through Director Ramkrushna Harishchandra Dhote | | Dr.Katakar yanche gharajawal,shivaji telgu shalejawal,chunabhatti ward no 8 Rajura Tah.Rajura Dist.Chandrapur | | Chandrapur | | Maharashtra | | 2. Ramkrushna Harishchandra Dhote, Director | | Dr.Katakar yanche gharajawal,shivaji telgu shalejawal,chunabhatti ward no 8 Rajura Tah.Rajura Dist.Chandrapur | | Chandrapur | | Maharashtra | | 3. Megha Ramkrushna Dhote, Director | | Dr.Katakar yanche gharajawal,shivaji telgu shalejawal,chunabhatti ward no 8 Rajura Tah.Rajura Dist.Chandrapur | | Chandrapur | | Maharashtra |
| ............Opp.Party(s) |
|
|
| Final Order / Judgement | ::: नि का ल प ञ ::: (आयोगाचे निर्णयान्वये, सौ. कल्पना जांगडे (कुटे), मा. सदस्या,) (पारीत दिनांक १०/०२/२०२२) - प्रस्तुत तक्रार ग्राहक संरक्षण कायदा, १९८६ चे कलम १४ सह १२ अन्वये दाखल केली असून तक्रारीचा थोडक्यात आशय खालिलप्रमाणे.
- तक्रारकर्ता यांनी दिनांक १०/९/२०१५ रोजी विरुध्द पक्ष क्रमांक २ यांनी दिलेल्या प्रलोभनामुळे विरुध्द पक्षांकडे रुपये ५,००,०००/- चिट क्रमांक ३५, ग्रुप डी.सी.एफ. - ०१/५८ मध्ये सहभाग घेतला आणि विरुध्द पक्षांच्या सूचनेनुसार दरमहा चिट ची रक्कम रुपये १०,०००/- प्रमाणे विरुध्द पक्षांकडे नियमीतपणे भरणा केला आणि त्याबाबत विरुध्द पक्षांच्या अधिकृत व्यक्तीने रक्कम प्राप्त झाल्याची नोंद त्यांनी दिलेल्या पासबुक मध्ये करुन दिलेली आहे. तक्रारकर्त्याने उपरोक्त खात्यात विरुध्द पक्षांकडे दिनांक १३/३/२०१९ पर्यंत रक्कम रुपये २,८०,८००/- जमा केले आहे परंतु दिनांक १३/०३/२०१९ नंतर विरुध्द पक्षांनी तक्रारकर्त्याकडून रक्कम घेणे बंद केले आहे त्यामुळे तक्रारकर्त्याने विरुध्द पक्षांच्या उपरोक्त खात्यामध्ये जमा असलेली रक्कम परत करण्याकरिता वारंवार विनंती केली परंतु विरुध्द पक्षांनी वेगवेगळी कारणे सांगून रक्कम देण्यास टाळाटाळ केली. विरुध्द पक्षांनी त्यांचेकडे तक्रारकर्त्याच्या जमा असलेल्या रकमेचा उपयोग व्यवसायाकरिता केला असून तक्रारकर्त्यास सदर रकमेच्या उपभोगापासून वंचीत केले. तक्रारकर्त्याने उपरोक्त रक्कम स्वतःच्या व्यवसायात गुंतविली असती तर त्यांना कमीतकमी ४० टक्के नफा झाला असता आणि बॅंकेत अथवा रोख्यांमध्ये गुंतवली असती तर कमीत कमी १८ टक्के दराने वाढ मिळाली असती. विरुध्द पक्षांनी तक्रारकर्त्यास रक्कम न दिल्यामुळे त्यांनी दिनांक १८/०२/२०२० रोजी अधिवक्ता श्री कुल्लरवार यांचे मार्फत नोटीस पाठवून त्यांचेकडे जमा असलेली रक्कम परत करण्याची विनंती केली परंतु नोटीस प्राप्त होऊनसुध्दा त्यांनी त्याची पुर्तता केली नाही. विरुध्द पक्षांनी तक्रारकर्त्यास रक्कम परत न करुन तक्रारकर्त्याप्रति न्युनतम सेवा दिल्याने तक्रारकर्त्याने विरुध्द पक्षांविरुध्द आयोगासमक्ष तक्रार दाखल करुन त्यामध्ये अशी मागणी केली की, विरुध्द पक्ष क्रमांक १ ते ३ यांनी वैयक्तिक अथवा संयुक्तीकरित्या तक्रारकर्त्याचे खाते ग्रुप डी.सी.एफ. - १/५८, चिट क्रमांक ३५ मध्ये दिनांक १०/०९/२०१५ रोजी पासून मुद्दल रक्कम रुपये २,८०,८००/- जमा करुन त्याची द.सा.द.शे. २४ टक्के दराने नुकसान भरपाई सह रक्कम तक्रारकर्त्यास द्यावी तसेच शारीरिक व मानसिक ञासापोटी नुकसान भरपाई रुपये १,००,०००/- आणि तक्रारीचा खर्च रुपये २५,०००/- अदा करण्याचे आदेशीत व्हावे.
- तक्रारकर्त्याची तक्रार स्वीकृत करुन फक्त विरुध्द पक्ष क्रमांक १ व २ यांनाच नोटीस काढण्यात आले. विरुध्द पक्ष क्रमांक ३ यांना नोटीस काढण्यात आलेली नाही. विरुध्द पक्ष क्रमांक १ व २ यांना नोटीस प्राप्त होऊनही ते आयोगासमक्ष उपस्थित झाले नाही, करिता विरुध्द पक्ष क्रमांक १ व २ विरुध्द प्रकरण एकतर्फा चालविण्याचा आदेश दिनांक २०/१०/२०२१ रोजी निशानी क्रमांक १ वर पारित करण्यात आला.
- तक्रारकर्त्याने दाखल केलेली तक्रार, दस्तावेज, शपथपञ आणि तक्रारकर्त्याचा तोंडी युक्तिवाद यावरुन खालिल मुद्दे आयोगाच्या विचारार्थ घेण्यात आले व त्याबाबतची कारणमीमांसा आणि निष्कर्ष पुढीलप्रमाणे.
अ.क्र. मुद्दे निष्कर्षे १. तक्रारकर्ता हे विरुध्द पक्ष क्र. १ व २ यांचे होय ग्राहक आहेत कायॽ २. विरुध्द पक्ष क्र. १ व २ यांनी तक्रारकर्त्याप्रति होय न्युनतापूर्ण सेवा दिली आहे कायॽ ३. आदेश कायॽ अंतिम आदेशाप्रमाणे कारणमीमांसा मुद्दा क्रमांक १ बाबतः- - तक्रारकर्त्याने विरुध्द पक्षांकडे दिनांक १०/०९/२०१५ रोजी ५० महिणे या कालावधीकरिता १०,०००×५० ˭ रुपये ५,००,०००/- ग्रुप डी.सी.एफ.-१/५८, चिट क्रमांक ३५ मध्ये सहभाग घेतला. तक्रारकर्त्याने विरुध्द पक्षांकडे दरमहा चिटच्या रकमेचा कमी जास्त प्रमाणात भरणा केला. विरुध्द पक्षांनी तक्रारकर्त्याकडून रक्कम स्वीकारुन पासबुक मध्ये नोंद घेवून स्वाक्षरी केल्याचे निदर्शनास येते. तक्रारकर्त्याने सदर पासबुक प्रकरणात निशानी क्रमांक ४ सोबत दस्त क्रमांक अ-१ वर दाखल केले आहे. यावरुन तक्रारकर्ता हे विरुध्द पक्ष क्रमांक १ व २ यांचे ग्राहक आहेत, हे सिध्द होते. सबब मुद्दा क्रमांक १ चे उत्तर होकारार्थी नोंदविण्यात येते.
मुद्दा क्रमांक २ बाबतः- - तक्रारीत दाखल दस्तऐवजांचे अवलोकन केले असता असे निदर्शनास येते की, तक्रारकर्ता यांनी विरुध्द पक्षांकडे दरमहा ५० हप्त्यात रकमेचा भरणा करायचा होता परंतु तक्रारकर्त्याने दरमहा ३७ हप्त्याचाच भरणा केलेला आहे आणि त्या रकमेचा विरुध्द पक्षांनी स्वीकार करुन तशी नोंद पासबुकमध्ये करुन दिली हे निशानी क्रमांक ४ वरील दस्त क्रमांक अ-१ वरुन दिसून येते. तक्रारकर्त्याने दिनांक १३/०३/२०१९ पर्यंत विरुध्द पक्षांकडे रक्कम जमा केले आहे परंतु दिनांक १३/०३/२०१९ नंतर विरुध्द पक्षांनी तक्रारकर्त्याकडून रक्कम घेण्याचे बंद केले, असे तक्रारकर्त्याने आपल्या तक्रारीत कथन केले आहे. विरुध्द पक्षांनी तक्रारकर्त्याकडून रक्कम घेणे बंद केल्यामुळे तक्रारकर्त्याने त्यांचेकडे जमा असलेल्या रकमेची मागणी केली परंतु विरुध्द पक्षांनी रक्कम परत केली नाही त्यामुळे तक्रारकर्त्याने दिनांक १८/२/२०२० रोजी विरुध्द पक्षांना अधिवक्ता मार्फत नोटीस पाठविली परंतु नोटीस प्राप्त झाल्यावरही त्यांनी त्याची पुर्तता केली नाही. सदर नोटीस, पोस्टाच्या पावत्या व पोच पावती अनुक्रमे दस्त क्रमांक अ-२ ते अ-८ वर प्रकरणात दाखल आहे. तक्रारकर्त्याचा आक्षेप विरुध्द पक्षांनी तक्रारीत उपस्थित राहून खोडून काढलेला नाही तसेच आपल्या बचावाचे समर्थनार्थ कोणतेही म्हणणे प्रकरणात दाखल केले नाही. तक्रारकर्ता यांनी विरुध्द पक्षांकडे चिट फंड मध्ये रक्कम जमा केल्याचे पासबुक वरुन स्पष्ट होते. त्यामुळे विरुध्द पक्ष क्रमांक १ व २ हे तक्रारकर्त्याला उपरोक्त पासबुक मध्ये जमा असलेली रक्कम देणे लागतात परंतु मागणीनंतर तसेच परिपक्वता तिथीनंतर तक्रारकर्त्याने वारंवार मागणी करुनही विरुध्द पक्षांनी तक्रारकर्त्याला रक्कम परत न करुन तक्रारकर्त्याप्रति सेवेत न्युनता दर्शविली हे दाखल दस्तवेजांवरुन सिध्द होते या निष्कर्षाप्रत आयोग आले आहेत. त्यामुळे तक्रारकर्ता हे विरुध्द पक्षांकडून पासबुक मध्ये जमा असलेली रक्कम व्याजासह तसेच रक्कम परत न केल्याने झालेल्या शारीरिक व मानसिक ञासापोटी नुकसान भरपाई व तक्रारीचा खर्च मिळण्यास पाञ आहे. सबब मुद्दा क्रमांक २ चे उत्तर हे होकारार्थी नोंदविण्यात येते.
मुद्दा क्रमांक ३ बाबतः- - मुद्दा क्रमांक १ व २ च्या विवेंचनावरुन आयोग खालिल प्रमाणे आदेश पारित करीत आहे.
अंतिम आदेश - तक्रारकर्त्याची तक्रार क्र. २०/५९ अंशतः मंजूर करण्यात येते.
- विरुध्द पक्ष क्रमांक १ व २ यांनी वैयक्तिक वा संयुक्तरित्या तक्रारर्त्याला ग्रुप डी.सी.एफ.-१/५८, चिट क्रमांक ३५ पासबुक मध्ये जमा असलेली परिपक्वता रक्कम व त्यावर निकाल दिनांक १०/०२/२०२२ पासून ६ टक्के द.सा.द.शे. व्याज तक्रारकर्त्याचे प्रत्यक्ष रक्कम हातात पडेपर्यंत अदा करावे.
- विरुध्द पक्ष क्रमांक १ व २ यांनी वैयक्तिक वा संयुक्तरित्या तक्रारकर्त्याला शारीरिक व मानसिक ञासापोटी नुकसान भरपाई रक्कम रुपये ५,०००/- व तक्रारीचा खर्च रुपये ५,०००/- द्यावे.
- उभयपक्षांना आदेशाच्या प्रती विनामुल्य देण्यात यावेत.
| |
