• // पुनरावलोकन अर्जावरील आदेश // -

                      (पारित दिनांकः   23/10/2024)

    श्री. सतिश सप्रे, मा. अध्‍यक्ष यांचे आदेशान्‍वये.

1.         अर्जदाराने सदर पुनरावलोकन अर्ज दाखल करुन आयोगाने दि.28.07.2023 रोजी दिलेला ‘अंतिम आदेशाचे’ पुनरावलोकन करण्‍याकरता सदर अर्ज दाखल करण्‍यांत आलेला आहे. 

2.          सदर पुनरावलोकन अर्जाची नोटीस विरुध्‍द पक्षांना तामील होऊनही विरुध्‍द पक्ष गैरहजर राहील्‍यामुळे प्रकरण युक्तिवादाकरीता लावण्‍यांत आले. प्रकरणात अर्जदारातर्फे त्‍यांचे वकीलांचा युक्तिवाद ऐकण्‍यांत आला. तक्रारकर्त्‍याने दि.28.07.2023 रोजी निकाल पत्रात नमुद अष्‍टलक्ष्‍मी रियालीटीज प्रा.लि. तर्फे त्‍यांचे संचालक क्र.1 व 2 यांच्‍या नावात झालेला बदल दुरुस्‍त करण्‍याकरीता प्रस्‍तुत अर्ज दाखल केला आहे.

3.          सदर पुनरावलोकन अर्जासोबत दाखल दस्‍ताची तसेच मुळ तक्रार क्र.CC/22/369 यातील तक्रारीची पडताळणी केली असता मुळ तक्रारीत नमुद विरुध्‍द पक्ष कंपनीतर्फे त्‍यांचे संचालक क्र.1 व 2 यांची नावे दि.28.07.2023 रोजीचे अंतिम आदेशात नमुद असल्‍याप्रमाणेच आढळून आली. त्‍यामुळे दि.28.07.2023 रोजीच्‍या अंतिम आदेशामध्‍ये अभिलेखाच्‍या बाह्य पटलावर (Error apparent on the face of the record)  कोणत्‍याच प्रकारची चूक झाल्‍याचे दिसुन येत नाही. सदर मुळ तक्रार क्र.CC/22/369 मध्ये तक्रारदाराला पुरेशी संधी असुनही त्‍याने झालेला नावातील बदला संदर्भात आवश्‍यक ती कारवाई करणे आवश्‍यक होते. मात्र त्‍यांनी सदर्हू प्रकरणात निकाल पारीत झाल्‍यानंतर प्रस्‍तुतचा अर्ज दाखल केला आहे. दि.28.07.2023 रोजीच्‍या अंतिम आदेशामध्‍ये आयोगातर्फे (Error apparent on the face of the record) अभिलेखाच्‍या बाह्य पटलावर चूक झाल्‍याचे दिसुन येत नसल्‍यामुळे प्रस्‍तुतचा पुनरावलोकन अर्ज खारीज करण्‍यांत येत आहे.

            वरील निष्‍कर्षांच्‍या आधारे आयोग खालील प्रमाणे आदेश पारीत करीत आहे.

- // अंतिम आदेश // - 

1.   अर्जदारातर्फे दाखल पुनरावलोकन अर्ज खारीज करण्‍यात येतो.

2.    खर्चाबाबत काहीही आदेश नाही.

3.    सदर आदेशाची प्रमाणित प्रती उभय पक्षकारांना निःशुल्‍क उपलब्‍ध करुन देण्‍यात        याव्‍यात.

4.    अर्जदाराला प्रकरणाची ‘ब’ व ‘क’ प्रत परत करावी.