.

                                                                                        तक्रार क्रमांक 148/2021

नि—1 वरील आदेश

( दिनांक 30/05/2022 )

      तक्रारदारांनी  तक्रारीत असे कथन केले आहे की, मे. कोणार्क निर्माण प्रा.लि. कंपनी हा 14 ईमारतींचा प्रकल्प असून शहरामध्ये उंच भागी  स्थित असल्या कारणामुळे येथे जिवन प्राधीकरणाकडून पाण्याचा पुरवठा अत्यंत कमी दाबाने होत असतो.  परीणामी सदनिकाधारकांना पाण्यासाठी अत्यंत हालअपेष्टा सोसाव्या लागतात. सदर प्रकल्पामध्ये सदनिका ‍वितरण करताना  प्रवर्तकाकडून असे सांगण्यात आले होते की 24 तास पाणी  पुरवठा करण्यात येईल परंतु प्रत्यक्षात तसे झाले नाही त्यामुळे सनिका धारकांची  शुध्द फसवणू  झालेली  आहे.  सबब ग्राहक म्हणून तक्रारदारांकडून सदर तक्रार दाखल करण्यात आलेली आहे.

   तक्रारीची पडताळणी करतांना असे दिसून आहे की तक्रारदारांचे नांव मे.कोणार्क निर्माण प्रा. लि. तर्फे तक्ररदार असे नमुद केलेले आहे  व सा.वाले यांचे नांव मे.कोणार्क निर्माण प्रा. लि. तर्फे. यांना पक्षकार करुन त्यांच्या संचालकांची नावे नमुद करण्यात आलेली आहे.  सदर बाब तक्रारदारांनी तक्रारीत दुरुस्ती करावयाची आहे असे  8 मार्च 2021 रोजी  तोंडी विनती करुन तारीख घेतली होती. परंतु अद्याप सदर प्रकरणात तक्रारीत दुरुस्ती अर्ज  दाखल करण्यात आलेला नाही. आजही तक्रारदार व त्यांचे वकील  गैरहजर आहेत. सबब वर नमुद कारणामुळे  प्रकरणात खालील प्रमाणे अंतीम आदेश पारीत करण्यात येतो.

                                 आदेश 

1.  तक्रारदारांच्या  तक्रारीत  तक्रारदारांचे, कंपनीचे नांव व सा.वाले कंपनीचे नाव

     सारखे असल्याने तक्रार नस्तीबंद करण्यात येते आहे.

2.  तक्रारदारांनी तक्रारीचा खर्च स्वत: सोसावा.

3.  तक्रारदारांना जर त्याच कारणासाठी  दुरुस्ती करुन नविन तक्रार दाखल करावाची

    असेल  तर न्यायाचे दृष्टीने त्यांना परवानगी देण्यात येते.

4.  आदेशाची प्रत तक्रारदारांना पाठविण्यात यावी.

5.  सदस्य संच नस्ती तक्रारदारांना परत करण्यात याव्यात.