निशाणी क्रमांक १ वर आदेश

द्वाराः मा.अध्‍यक्ष श्री. विजय चंद्रलाल प्रेमचंदानी

           तक्रारदार यांनी सदर तक्रार सामनेवाला पतसंस्‍था यांचेकडे जमा असलेली मुदत ठेव रक्‍कम परत मिळणेकरीता दाखल केलेली आहे. तक्रारदाराने तक्रारीत दाखल केलेल्‍या मुदत ठेव पावत्‍यांमध्‍ये असे दिसून येते की, सदर मुदत ठेव पावत्‍यांची मुदत ही दिनांक ०१/१२/२०१२ रोजी संपलेली होती. तक्रारदाराने त्‍यानंतर सामनेवालाकडून सदर रक्‍कम मिळणेकरीता दिनांक २०/०३/२०१९ रोजी प्रत्‍यक्ष जाऊन भेटले व ती रक्‍कम मिळाली नसल्‍याने सदर तक्रार मंचा समक्ष दाखल केलेली आहे. तक्रारदाराची तक्रारीविषयी त्‍यांचे वकीलामार्फत दिनांक ३१/०७/२०१९ रोजी प्राथमिक युक्तिवाद ऐकण्‍यात आले. तक्रारदारातर्फे असे सांगण्‍यात आले की, सदर तक्रार दाखल करण्‍याचे प्रथम कारण दिनांक ०१/१२/२०१२ रोजी घडला. सदर तक्रार मुदतीत दाखल केले नसल्‍याने, विलंब माफीचा अर्ज दाखल करायचे अशी विनंती करून पुढील तारीख देण्‍याबाबत विनंती करण्‍यात आली. मंचाने तक्रारदाराचे तोंडी विनंतीवरून दिनांक ०८/०८/२०१९, तारीख देण्‍यात आली. त्‍यानंतर दिनांक २३/०८/२०१९ व आज दिनांक १३/०९/२०१९ तारीख देऊन सुध्‍दा तक्रारदार व त्‍याचे वकील गैरहजर राहीले व कोणतेही विलंब माफीचा अर्ज सादर केलेला नाही. सबब खालील प्रमाणे अंतिम आदेश.

“अंतिम आदेश”

1. तक्रारदार यांची तक्रार मुदतीत दाखल केली नसल्‍याने नस्‍तीबध्‍द करण्‍यात येत आहे.
2. तक्रारदारांनी तक्रारीचा खर्च स्‍वतः सहन करावे.
3. आदेशाची प्रत तक्रारदाराला विनामुल्‍य देण्‍यात यावी.
4. “ब” व ”क” फाईल तक्रारदाराला परत करण्‍यात यावी.