जिल्हा ग्राहक तक्रार निवारण मंच, उस्मानाबाद.
ग्राहक तक्रार क्रमांक : 138/2019. तक्रार दाखल दिनांक : 24/04/2019. तक्रार आदेश दिनांक : 13/01/2021. कालावधी: 01 वर्षे 08 महिने 19 दिवस
मालती भ्र. मधुकर जगताप, वय 48 वर्षे, व्यवसाय : घरकाम,
रा. मु.पो. आष्टा, ता. भुम, जि. उस्मानाबाद. तक्रारकर्ती
विरुध्द
(1) शाखा व्यवस्थापक, उस्मानाबाद जिल्हा मध्यवर्ती सह. बँक
शाखा : भुम, ता. भुम, जि. उस्मानाबाद.
(2) सरव्यवस्थापक, उस्मानाबाद जिल्हा मध्यवर्ती सह. बँक
मुख्य कार्यालय, उस्मानाबाद, ता. जि. उस्मानाबाद. विरुध्द पक्ष
गणपुर्ती :- (1) श्री. किशोर दत्तात्रय वडणे, अध्यक्ष
(2) श्री. मुकुंद भगवान सस्ते, सदस्य
(3) श्री. शशांक शरदचंद्र क्षीरसागर, सदस्य
तक्रारकर्ती यांचेतर्फे विधिज्ञ :- देविदास वडगांवकर
विरुध्द पक्ष यांचेतर्फे प्रतिनिधी
आदेश
1. उभय पक्षांमध्ये दि.13/6/2019 रोजी झालेल्या तडजोड पुरसीसच्या अनुषंगाने विरुध्द पक्ष यांनी पूर्तता करण्यासाठी अंतीम तारीख दि.24/9/2020 नेमण्यात आलेली होती. तडजोड पुरसीसनुसार दि.24/6/2019 ते 24/9/2020 पर्यंत एकूण 6 हप्त्यांमध्ये विरुध्द पक्ष यांनी तक्रारकर्ती यांना देय रक्कम अदा करण्याची होती.
2. अभिलेखावर दाखल तडजोडपत्राचे अवलोकन केले असता उभय पक्षांमध्ये परस्पर सामंजस्याने व समन्वयाने तडजोड झालेली आहे. तडजोडपत्रावर उभय पक्षांची स्वाक्षरी आहे. असे दिसते की, उभयतांनी अटीदर्शक तडजोडपत्र तयार केलेले आहे. अभिलेखावर दाखल करण्यात आलेल्या खाते उता-याचे अवलोकन केले असता तडजोडपत्रामध्ये दर्शविल्याप्रमाणे तक्रारकर्ती यांना रक्कम प्राप्त झाल्याचे आढळून येते. वरील अनुषंगाने ग्राहक तक्रार निकाली काढणे न्यायोचित आहे आणि खालीलप्रमाणे आदेश करण्यात येतो.
ग्राहक तक्रार क्र.138/2019.
आदेश
(1) उभय पक्षांच्या तडजोडपत्रानुसार तक्रार निकाली काढण्यात येते.
(श्री. किशोर द. वडणे)
(श्री. मुकुंद भ. सस्ते) अध्यक्ष (श्री. शशांक श. क्षीरसागर)
सदस्य सदस्य
जिल्हा ग्राहक तक्रार निवारण आयोग, उस्मानाबाद.
-oo-
(संविक/स्व/18121)
