जिल्हा ग्राहक तक्रार निवारण मंच, उस्मानाबाद.
ग्राहक तक्रार क्रमांक : 269/2019. तक्रार दाखल दिनांक : 20/08/2019. तक्रार आदेश दिनांक : 04/02/2021. कालावधी: 01 वर्षे 05 महिने 15 दिवस
हरिदास पांडुरंग कदम, वय सज्ञान, व्यवसाय : शेती,
रा. जळकोट, ता. तुळजापूर, जि. उस्मानाबाद. तक्रारकर्ता
विरुध्द
(1) शाखा व्यवस्थापक, उस्मानाबाद जिल्हा मध्यवर्ती सह. बँक
शाखा : जळकोट, ता. तुळजापूर, जि. उस्मानाबाद.
(2) सरव्यवस्थापक, उस्मानाबाद जिल्हा मध्यवर्ती सह. बँक,
मुख्य कार्यालय, उस्मानाबाद, ता. जि. उस्मानाबाद. विरुध्द पक्ष
गणपुर्ती :- (1) श्री. मुकुंद भगवान सस्ते, सदस्य
(2) श्री. शशांक शरदचंद्र क्षीरसागर, सदस्य
तक्रारकर्ता यांचेतर्फे विधिज्ञ :- देविदास वडगांवकर
विरुध्द पक्ष यांचेतर्फे प्रतिनिधी
आदेश
1. उभय पक्षांमध्ये दि.13/11/2019 रोजी झालेल्या तडजोड पुरसीसच्या अनुषंगाने विरुध्द पक्ष यांनी पूर्तता करण्याची अंतीम तारीख दि.13/12/2020 होती. तडजोड पुरसीसचे अवलोकन केले असता असे दिसते की, दि.13/12/2019 ते दि.13/12/2020 या कालावधीमध्ये एकूण 5 हप्त्यांमध्ये विरुध्द पक्ष यांनी बचत खाते क्र.5871 मधील प्रतिहप्ता रु.11,700/- याप्रमाणे रक्कम तक्रारकर्ता यांना अदा करण्याची होती.
2. अभिलेखावर दाखल तडजोडपत्राचे अवलोकन केले असता उभय पक्षांमध्ये परस्पर सामंजस्याने व समन्वयाने तडजोड झालेली आहे. तडजोडपत्रावर तक्रारकर्ता व विरुध्द पक्ष यांची स्वाक्षरी आहे. असे दिसते की, उभयतांनी अटीदर्शक तडजोडपत्र तयार केलेले आहे.
3. विरुध्द पक्षातर्फे विनंती करण्यात आली की, तडजोडीप्रमाणे त्यांनी तक्रारकर्ता यांना सर्व हप्ते दिलेले आहेत आणि त्यामुळे प्रकरण निकाली काढावे. तक्रारकर्ता यांचेतर्फे विधिज्ञांनी प्रकरण काढून टाकण्यास हरकत नाही, असे म्हणणे दिले.
4. आमच्या मते, तडजोडीनुसार उभयतांचे समाधान झालेले आहे. त्यामुळे प्रकरण निकाली काढणे न्यायोचित आहे.
आदेश
(1) उभय पक्षांच्या तडजोडपत्रानुसार तक्रार निकाली काढण्यात येते.
(श्री. मुकुंद भ. सस्ते) (श्री. शशांक श. क्षीरसागर)
ज्येष्ठ सदस्य सदस्य
जिल्हा ग्राहक तक्रार निवारण आयोग, उस्मानाबाद.
-oo-
