जिल्हा ग्राहक तक्रार निवारण मंच, उस्मानाबाद.
ग्राहक तक्रार क्रमांक : 148/2020. तक्रार दाखल दिनांक : 03/09/2020. तक्रार आदेश दिनांक : 25/01/2021. कालावधी: 00 वर्षे 04 महिने 22 दिवस
दत्तात्रय माणिकराव यादव, वय 55 वर्षे,
व्यवसाय : शेती, रा. वालवड, ता. भुम, जि. उस्मानाबाद. तक्रारकर्ता
विरुध्द
(1) शाखा व्यवस्थापक, उस्मानाबाद जिल्हा मध्यवर्ती सहकारी बँक
लि., उस्मानाबाद, शाखा : वालवड, ता. भुम, जि. उस्मानाबाद.
(2) व्यवस्थापक, उस्मानाबाद जिल्हा मध्यवर्ती सहकारी बँक लि.,
उस्मानाबाद, मुख्य शाखा उस्मानाबाद, ता. जि. उस्मानाबाद. विरुध्द पक्ष
गणपुर्ती :- (1) श्री. किशोर दत्तात्रय वडणे, अध्यक्ष
(2) श्री. मुकुंद भगवान सस्ते, सदस्य
(3) श्री. शशांक शरदचंद्र क्षीरसागर, सदस्य
तक्रारकर्ता यांचेतर्फे विधिज्ञ :- एस.एच. सय्यद
विरुध्द पक्ष यांचेतर्फे प्रतिनिधी
आदेश
1. उभय पक्षांमध्ये दि.30/9/2020 रोजी झालेल्या तडजोड पुरसीसच्या अनुषंगाने विरुध्द पक्ष यांनी पूर्तता करण्याची अंतीम तारीख दि.30/7/2022 आहे. तडजोड पुरसीसनुसार दि.30/10/2020 ते दि.30/7/2022 या कालावधीमध्ये एकूण 8 हप्त्यांमध्ये विरुध्द पक्ष यांनी प्रतिहप्ता रु.24,300/- याप्रमाणे बचत खाते क्र.6725 मधील रक्कम अदा करण्याची आहे.
2. अभिलेखावर दाखल तडजोडपत्राचे अवलोकन केले असता उभय पक्षांमध्ये परस्पर सामंजस्याने व समन्वयाने तडजोड झालेली आहे. तडजोडपत्रावर तक्रारकर्ता व विरुध्द पक्ष यांची स्वाक्षरी आहे. असे दिसते की, उभयतांनी अटीदर्शक तडजोडपत्र तयार केलेले आहे. तडजोडपत्रानुसार तक्रारकर्ता यांना रक्कम न अदा केल्यास त्या-त्या देय तारखेपासून द.सा.द.शे. 9 टक्के व्याज दराने देय रक्कम मिळण्यास तक्रारकर्ता पात्र राहतील, अशा निर्देशासह ग्राहक तक्रार निकाली काढणे न्यायोचित आहे आणि खालीलप्रमाणे आदेश करण्यात येतो.
ग्राहक तक्रार क्र.148/2020.
आदेश
(1) उभय पक्षांच्या तडजोडपत्रानुसार तक्रार निकाली काढण्यात येते.
(2) विरुध्द पक्ष यांनी तक्रारकर्ता यांना उभय पक्षांतील तडजोडपत्रानुसार रक्कम अदा न केल्यास देय तारखेपासून ती रक्कम अदा करेपर्यंत द.सा.द.शे. 9 टक्के दराने व्याज द्यावे.
(श्री. किशोर द. वडणे)
(श्री. मुकुंद भ. सस्ते) अध्यक्ष (श्री. शशांक श. क्षीरसागर)
सदस्य सदस्य
जिल्हा ग्राहक तक्रार निवारण आयोग, उस्मानाबाद.
-oo-
