जिल्हा ग्राहक तक्रार निवारण आयोग, उस्मानाबाद.
ग्राहक तक्रार क्रमांक : 232/2019. तक्रार दाखल दिनांक : 23/07/2019. तक्रार आदेश दिनांक : 12/10/2020. कालावधी: 01 वर्षे 02 महिने 19 दिवस
कौशल्या कैलास पंडीत, वय 32 वर्षे,
व्यवसाय : मजुरी, रा. पार्डी, ता. वाशी, जि. उस्मानाबाद. तक्रारकर्ती
विरुध्द
(1) शाखा व्यवस्थापक, उस्मानाबाद जिल्हा मध्यवर्ती सहकारी बँक लि.,
उस्मानाबाद, शाखा : भुम, ता. भुम, जि. उस्मानाबाद.
(2) सरव्यवस्थापक, उस्मानाबाद जिल्हा मध्यवर्ती सहकारी बँक लि.,
मुख्य कार्यालय, उस्मानाबाद, ता. जि. उस्मानाबाद. विरुध्द पक्ष
गणपुर्ती :- (1) श्री. किशोर दत्तात्रय वडणे, अध्यक्ष
(2) श्री. मुकुंद भगवान सस्ते, सदस्य
तक्रारकर्ती यांचेतर्फे विधिज्ञ :- शालिनी अंधारे / तावरे
विरुध्द पक्ष यांचेतर्फे प्रतिनिधी
आदेश
1. उभय पक्षांमध्ये दि.31/7/2020 रोजी झालेल्या तडजोड पत्रानुसार विरुध्द पक्ष यांनी तक्रारकर्ती यांना बचत खाते क्र.28995 मधील रक्कम 5 हप्त्यांमध्ये दि.31/8/2020 ते 31/8/2021 कालावधीमध्ये द्यावयाची आहे.
2. अभिलेखावर दाखल तडजोडपत्राचे अवलोकन केले असता उभय पक्षांमध्ये परस्पर सामंजस्याने व समन्वयाने तडजोड झालेली आहे. तडजोडपत्रावर उभय पक्ष व प्रतिनिधी यांची स्वाक्षरी दिसून येते. असे दिसते की, उभयतांनी अटीदर्शक तडजोडपत्र तयार केलेले आहे. न्यायाच्या दृष्टीने तक्रारकर्ता यांना तडजोडपत्रानुसार रक्कम प्राप्त न झाल्यास त्या-त्या नमूद तारखेपासून देय रक्कम द.सा.द.शे. 9 टक्के व्याज दराने देय रक्कम मिळण्यास तक्रारकर्ती पात्र राहतील, अशा निर्देशासह ग्राहक तक्रार निकाली काढणे संयुक्तिक आहे. अंतिमत: खालीलप्रमाणे आदेश करण्यात येतो.
आदेश
(1) उभय पक्षांच्या वतीने तडजोडपत्र दाखल करण्यात आले. उभयतांमध्ये झालेली तडजोड मंजूर करण्यात येते आणि तडजोडपत्राप्रमाणे ग्राहक तक्रार निकाली काढण्यात येते.
(2) उभय पक्षांतील तडजोडपत्रानुसार विरुध्द पक्ष यांनी तक्रारकर्ती यांना रक्कम अदा न केल्यास सदर उर्वरीत देय रकमेसह तडजोड पत्रावर नमूद केलेल्या तारखेपासून संपूर्ण देय रक्कम अदा करेपर्यंत द.सा.द.शे. 9 टक्के दराने व्याज द्यावे.
(श्री. मुकुंद भ. सस्ते) (श्री. किशोर द. वडणे) सदस्य अध्यक्ष
जिल्हा ग्राहक तक्रार निवारण आयोग, उस्मानाबाद.
-oo-
(संविक/स्व)
