जिल्‍हा ग्राहक तक्रार निवारण मंच, उस्‍मानाबाद.

सुक्षाला बापू सातपुते, वय 50 वर्षे, व्‍यवसाय : शेती

व घरकाम, रा. घाटपिंपरी, ता. वाशी, जि. उस्‍मानाबाद.                तक्रारकर्ती    

                        विरुध्‍द           

(1) शाखा व्‍यवस्‍थापक, उस्‍मानाबाद जिल्‍हा मध्‍यवर्ती सहकारी बँक लि.,

    उस्‍मानाबाद, शाखा : ईट, ता. भुम, जि. उस्‍मानाबाद.

(2) व्‍यवस्‍थापक, उस्‍मानाबाद जिल्‍हा मध्‍यवर्ती सहकारी बँक लि.,

    उस्‍मानाबाद, मुख्‍य शाखा, उस्‍मानाबाद, ता. जि. उस्‍मानाबाद.       विरुध्‍द पक्ष

गणपुर्ती :-  (1) श्री. मुकुंद भगवान सस्‍ते, सदस्‍य

           (2) श्री. शशांक शरदचंद्र क्षीरसागर, सदस्‍य

तक्रारकर्ती यांचेतर्फे विधिज्ञ :- एस.एच. सय्यद

विरुध्‍द पक्ष यांचेतर्फे प्रतिनिधी

आदेश

1.     उभय पक्षांमध्‍ये दि.12/10/2020 रोजी झालेल्‍या तडजोड पुरसीसचे अवलोकन केले असता विरुध्‍द पक्ष यांनी पूर्तता करण्‍याची अंतीम तारीख दि.12/8/2022 आहे. तडजोड पुरसीसनुसार विरुध्‍द पक्ष यांनी दि.12/11/2020 ते दि.12/8/2022 या कालावधीमध्‍ये तक्रारकर्ती यांच्‍या बचत खाते क्र. 13271 मधील रकमेचे प्रत्‍येकी रु.14,200/- प्रमाणे 7 व अंतिम हप्‍ता रु.14,400/- याप्रमाणे एकूण 8 हप्‍त्‍यांमध्‍ये रक्‍कम अदा करावयाची आहे. 

2.    अभिलेखावर दाखल तडजोडपत्राचे अवलोकन केले असता उभय पक्षांमध्‍ये परस्‍पर सामंजस्‍याने व समन्‍वयाने तडजोड झालेली आहे. तडजोडपत्रावर तक्रारकर्ती यांचा निशाणी अंगठा व विरुध्‍द पक्ष यांची स्‍वाक्षरी आहे. असे दिसते की, उभयतांनी अटीदर्शक तडजोडपत्र तयार केलेले आहे.

3.    विरुध्‍द पक्ष यांनी लेखी अर्जाद्वारे विनंती केली की, तडजोडीनुसार त्‍यांनी तक्रारकर्ती यांना 1 हप्‍ता दिलेला आहे आणि ग्राहक तक्रार निकाली काढावी. त्‍यापृष्‍ठयर्थ त्‍यांनी खाते उतारा दाखल केला आहे.

4.    तडजोडपत्रानुसार विरुध्‍द पक्ष यांनी तक्रारकर्ता यांना रक्‍कम अदा न केल्‍यास त्‍या-त्‍या देय तारखेपासून द.सा.द.शे. 9 टक्‍के व्‍याज दराने देय रक्‍कम मिळण्‍यास तक्रारकर्ती पात्र राहतील, अशा निर्देशासह ग्राहक तक्रार निकाली काढणे न्‍यायोचित आहे. अंतिमत: खालीलप्रमाणे आदेश करण्‍यात येतो.

आदेश

(1) उभय पक्षांतील तडजोडपत्राच्‍या अधीन राहून ग्राहक तक्रार निकाली काढण्‍यात येते.

(2) उभय पक्षांतील तडजोडपत्रानुसार विरुध्‍द पक्ष यांनी तक्रारकर्ती यांना रक्‍कम अदा न केल्‍यास संबंधीत देय असणारी रक्‍कम त्‍या-त्‍या देय तारखेपासून द.सा.द.शे. 9 टक्‍के व्‍याज दराने द्यावी.

(श्री. मुकुंद भ. सस्‍ते)                                   (श्री. शशांक श. क्षीरसागर)                            

   ज्‍येष्‍ठ सदस्‍य                                            सदस्‍य  

     जिल्‍हा ग्राहक तक्रार निवारण आयोग, उस्‍मानाबाद.

    -oo-

^{(संविक/स्‍व/15221)}