जिल्हा ग्राहक तक्रार निवारण मंच, उस्मानाबाद.
ग्राहक तक्रार क्रमांक : 171/2019. तक्रार दाखल दिनांक : 17/05/2019. तक्रार आदेश दिनांक : 28/01/2021. कालावधी: 01 वर्षे 07 महिने 11 दिवस
मैनाबाई मधुकर गोसावी, वय 46 वर्षे, व्यवसाय : घरकाम,
रा. निपाणी, ता. भुम, जि. उस्मानाबाद. तक्रारकर्ती
विरुध्द
(1) शाखा व्यवस्थापक, उस्मानाबाद जिल्हा मध्यवर्ती सहकारी बँक
लि., उस्मानाबाद, शाखा : ईट, ता. भुम, जि. उस्मानाबाद.
(2) सरव्यवस्थापक, उस्मानाबाद जिल्हा मध्यवर्ती सहकारी बँक लि.,
उस्मानाबाद, मुख्य कार्यालय, उस्मानाबाद, ता. जि. उस्मानाबाद. विरुध्द पक्ष
गणपुर्ती :- (1) श्री. किशोर दत्तात्रय वडणे, अध्यक्ष
(2) श्री. मुकुंद भगवान सस्ते, सदस्य
(3) श्री. शशांक शरदचंद्र क्षीरसागर, सदस्य
तक्रारकर्ती यांचेतर्फे विधिज्ञ :- शालिनी अंधारे / तावरे
विरुध्द पक्ष यांचेतर्फे प्रतिनिधी
आदेश
1. उभय पक्षांमध्ये दि.20/8/2019 रोजी झालेल्या तडजोड पुरसीसच्या अनुषंगाने विरुध्द पक्ष यांनी पूर्तता करण्याची अंतीम तारीख दि.26/11/2020 होती. तडजोड पुरसीसनुसार दि.26/8/2019 ते दि.26/11/2020 या कालावधीमध्ये विरुध्द पक्ष यांनी तक्रारकर्ता यांच्या बचत खाते क्र.124466 मधील रकमेचे पहिले 5 हप्ते रु.20,000/- प्रमाणे व अंतिम हप्ता रु.13,000/- प्रमाणे अदा करण्याचे होते.
2. अभिलेखावर दाखल तडजोडपत्राचे अवलोकन केले असता उभय पक्षांमध्ये परस्पर सामंजस्याने व समन्वयाने तडजोड झालेली आहे. तडजोडपत्रावर तक्रारकर्ती यांचा निशाणी अंगठा व विरुध्द पक्ष यांची स्वाक्षरी आहे. असे दिसते की, उभयतांनी अटीदर्शक तडजोडपत्र तयार केलेले आहे.
3. तक्रारकर्ता यांना तडजोडीनुसार सर्व हप्ते अदा केल्यामुळे प्रकरण निकाली काढण्याची विनंती विरुध्द पक्ष यांनी दि.28/1/2021 रोजी अर्जाद्वारे केली. सोबत त्यांनी तक्रारकर्ती यांचा खाते उतारा दाखल केला आहे. खाते उता-याचे अवलोकन केले असता तक्रारकर्ता यांना तडजोडीमध्ये नमूद केलेली रक्कम अदा केल्याचे निदर्शनास येते. अशा स्थितीमध्ये प्रस्तुत ग्राहक तक्रार तडजोड पुरसीसच्या अनुषंगाने निकाली काढणे न्यायोचित आहे. त्या अनुषंगाने खालीलप्रमाणे आदेश पारीत करण्यात येतो.
आदेश
(1) उभय पक्षांच्या तडजोडपत्रानुसार तक्रार निकाली काढण्यात येते.
(श्री. किशोर द. वडणे)
(श्री. मुकुंद भ. सस्ते) अध्यक्ष (श्री. शशांक श. क्षीरसागर)
सदस्य सदस्य
जिल्हा ग्राहक तक्रार निवारण आयोग, उस्मानाबाद.
-oo-
