जिल्हा ग्राहक तक्रार निवारण मंच, उस्मानाबाद.
ग्राहक तक्रार क्रमांक : 27/2019. तक्रार दाखल दिनांक : 22/01/2019. तक्रार आदेश दिनांक : 05/02/2021. कालावधी: 01 वर्षे 05 महिने 15 दिवस
धोंडीबा महादेव लिमकर, वय 45 वर्षे,
व्यवसाय : शेती, रा. आंद्रुड, ता. भुम, जि. उस्मानाबाद. तक्रारकर्ता
विरुध्द
(1) शाखा व्यवस्थापक, उस्मानाबाद जिल्हा मध्यवर्ती सहकारी बँक
लि., उस्मानाबाद, शाखा : ईट, ता. भुम, जि. उस्मानाबाद.
(2) व्यवस्थापक, उस्मानाबाद जिल्हा मध्यवर्ती सहकारी बँक लि.,
मुख्य शाखा उस्मानाबाद, ता. जि. उस्मानाबाद. विरुध्द पक्ष
गणपुर्ती :- (1) श्री. मुकुंद भगवान सस्ते, सदस्य
(2) श्री. शशांक शरदचंद्र क्षीरसागर, सदस्य
तक्रारकर्ता यांचेतर्फे विधिज्ञ :- एस.एच. सय्यद
विरुध्द पक्ष यांचेतर्फे प्रतिनिधी
आदेश
1. उभय पक्षांमध्ये दि.5/9/2019 – 12/9/2019 रोजी झालेल्या तडजोड पुरसीसचे अवलोकन केले असता विरुध्द पक्ष यांनी पूर्तता करण्याची अंतीम तारीख दि.20/12/2020 होती. तडजोड पुरसीसनुसार दि.20/9/2019 ते दि.20/12/2020 या कालावधीमध्ये एकूण 6 हप्त्यांमध्ये विरुध्द पक्ष यांनी बचत खाते क्र. 008010500011927 मधील प्रतिहप्ता रु.27,000/- याप्रमाणे रक्कम अदा करावयाची आहे.
2. अभिलेखावर दाखल तडजोडपत्राचे अवलोकन केले असता उभय पक्षांमध्ये परस्पर सामंजस्याने व समन्वयाने तडजोड झालेली आहे. तडजोडपत्रावर तक्रारकर्ता व विरुध्द पक्ष यांची स्वाक्षरी आहे. असे दिसते की, उभयतांनी अटीदर्शक तडजोडपत्र तयार केलेले आहे.
3. तडजोडपत्रानुसार तक्रारकर्ता यांना रक्कम न अदा केल्यास त्या-त्या देय तारखेपासून द.सा.द.शे. 9 टक्के व्याज दराने देय रक्कम मिळण्यास तक्रारकर्ता पात्र राहतील, अशा निर्देशासह ग्राहक तक्रार निकाली काढणे न्यायोचित आहे. अंतिमत: खालीलप्रमाणे आदेश करण्यात येतो.
ग्राहक तक्रार क्र.27/2019.
आदेश
(1) उभय पक्षांच्या तडजोडपत्रानुसार तक्रार निकाली काढण्यात येते.
(2) उभय पक्षांतील तडजोडपत्रानुसार विरुध्द पक्ष यांनी तक्रारकर्ता यांना रक्कम न दिल्यास देय तारखेपासून अदेय रक्कम अदा करेपर्यंत द.सा.द.शे. 9 टक्के दराने व्याज द्यावे.
(श्री. मुकुंद भ. सस्ते) (श्री. शशांक श. क्षीरसागर)
ज्येष्ठ सदस्य सदस्य
जिल्हा ग्राहक तक्रार निवारण आयोग, उस्मानाबाद.
-oo-
