जिल्‍हा ग्राहक तक्रार निवारण मंच, उस्‍मानाबाद.

सिंधुबाई बाजीराव वनवे, वय 60 वर्षे, व्‍यवसाय : शेती व

घरकाम, रा. आनंदवाडी, ता. भुम, जि. उस्‍मानाबाद.                        तक्रारकर्ती    

                        विरुध्‍द           

(1) शाखा व्‍यवस्‍थापक, उस्‍मानाबाद जिल्‍हा मध्‍यवर्ती सहकारी बँक लि.,

    उस्‍मानाबाद, शाखा : अंबी, ता. भुम, जि. उस्‍मानाबाद.

(2)रव्‍यवस्‍थापक, उस्‍मानाबाद जिल्‍हा मध्‍यवर्ती सहकारी बँक लि.,

    उस्‍मानाबाद, मुख्‍य शाखा, उस्‍मानाबाद, ता. जि. उस्‍मानाबाद.             विरुध्‍द पक्ष

गणपुर्ती :-  (1) श्री. किशोर दत्‍तात्रय वडणे, अध्‍यक्ष

           (2) श्री. मुकुंद भगवान सस्‍ते, सदस्‍य

           (3) श्री. शशांक शरदचंद्र क्षीरसागर, सदस्‍य

तक्रारकर्ती यांचेतर्फे विधिज्ञ :- एस.एच. सय्यद

विरुध्‍द पक्ष यांचेतर्फे प्रतिनिधी

आदेश

1.     उभय पक्षांनी दि.27/7/2020 रोजी केलेल्‍या तडजोड पुरसीसचे अवलोकन केले असता विरुध्‍द पक्ष यांनी पूर्तता करण्‍याची अंतीम तारीख दि.27/5/2022 आहे. तडजोड पुरसीसनुसार दि.27/8/2020 ते दि.27/5/2022 या कालावधीमध्‍ये तक्रारकर्ती यांच्‍या बचत खाते क्र.9585 मधील रकमेचे प्रत्‍येकी रु.24,200/- प्रमाणे एकूण 8 हप्‍त्‍यांमध्‍ये विरुध्‍द पक्ष यांनी रक्‍कम अदा करावयाची आहे. 

2.    अभिलेखावर दाखल तडजोडपत्राचे अवलोकन केले असता उभय पक्षांमध्‍ये परस्‍पर सामंजस्‍याने व समन्‍वयाने तडजोड झालेली आहे. तडजोडपत्रावर तक्रारकर्ती यांचा निशानी अंगठा व विरुध्‍द पक्ष यांची स्‍वाक्षरी आहे. असे दिसते की, उभयतांनी अटीदर्शक तडजोडपत्र तयार केलेले आहे.

3.    विरुध्‍द पक्ष यांनी लेखी अर्जाद्वारे विनंती केली की, तडजोडीनुसार त्‍यांनी तक्रारकर्ती यांना 2 हप्‍ते दिलेले आहेत आणि ग्राहक तक्रार निकाली काढावी. त्‍यापृष्‍ठयर्थ त्‍यांनी खाते उतारा दाखल केला आहे.

4.    तडजोडपत्रानुसार विरुध्‍द पक्ष यांनी तक्रारकर्ती यांना रक्‍कम अदा न केल्‍यास त्‍या-त्‍या देय तारखेपासून द.सा.द.शे. 9 टक्‍के व्‍याज दराने देय रक्‍कम मिळण्‍यास तक्रारकर्ती पात्र राहतील, अशा निर्देशासह ग्राहक तक्रार निकाली काढणे न्‍यायोचित आहे. अंतिमत: खालीलप्रमाणे आदेश करण्‍यात येतो.

आदेश

(1) उभय पक्षांतील तडजोडपत्रास अधीन राहून ग्राहक तक्रार निकाली काढण्‍यात येते.

(2) उभय पक्षांतील तडजोडपत्रानुसार विरुध्‍द पक्ष यांनी तक्रारकर्ती यांना रक्‍कम अदा न केल्‍यास संबंधीत देय असणारी रक्‍कम त्‍या-त्‍या देय तारखेपासून द.सा.द.शे. 9 टक्‍के व्‍याज दराने देय राहील.

  (श्री. किशोर द. वडणे)      

(श्री. मुकुंद भ. सस्‍ते)               अध्‍यक्ष             (श्री. शशांक श. क्षीरसागर)

      सदस्‍य                                                 सदस्‍य

     जिल्‍हा ग्राहक तक्रार निवारण आयोग, उस्‍मानाबाद.

    -oo-

^{(संविक/स्‍व/15321)}