जिल्‍हा ग्राहक तक्रार निवारण मंच, उस्‍मानाबाद.

चंद्रप्रभा चंद्रकांत बोपलकर, वय 79 वर्षे, व्‍यवसाय : निवृत्‍तीवेतनधारक,

रा. प्रभाचंद्र निवास, टी.पी.एस. रोड, उस्‍मानाबाद, ता.जि. उस्‍मानाबाद.          तक्रारकर्ती    

                        विरुध्‍द                                                  

(1) शाखा व्‍यवस्‍थापक, उस्‍मानाबाद जिल्‍हा मध्‍यवर्ती सहकारी बँक,

    उस्‍मानाबाद, हेड ऑफीस, सोलापूर रोड, उस्‍मानाबाद, ता.जि. उस्‍मानाबाद.

(2) व्‍यवस्‍थापक, उस्‍मानाबाद जिल्‍हा मध्‍यवर्ती सहकारी बँक,

    जि.प. शाखा, उस्‍मानाबाद, ता. जि. उस्‍मानाबाद.                       विरुध्‍द पक्ष

गणपुर्ती :-  (1) श्री. मुकुंद भगवान सस्‍ते, सदस्‍य

           (2) श्री. शशांक शरदचंद्र क्षीरसागर, सदस्‍य

तक्रारकर्ती यांचेतर्फे विधिज्ञ :- ए.पी. फडकुले

विरुध्‍द पक्ष यांचेतर्फे प्रतिनिधी

आदेश

1.     उभय पक्षांमध्‍ये दि.5/3/2020 रोजी झालेल्‍या तडजोड पुरसीसचे अवलोकन केले असता विरुध्‍द पक्ष यांनी पूर्तता करण्‍याची अंतीम तारीख दि.5/7/2022 आहे. तडजोड पुरसीसनुसार विरुध्‍द पक्ष यांनी दि. 5/4/2020 ते दि. 5/7/2022 या कालावधीमध्‍ये तक्रारकर्ती यांच्‍या बचत खाते क्र. 13450 मधील रक्‍कम प्रतिहप्‍ता रु.53,100/- याप्रमाणे एकूण 10 हप्‍त्‍यांमध्‍ये अदा करावयाची आहे. 

2.    अभिलेखावर दाखल तडजोडपत्राचे अवलोकन केले असता उभय पक्षांमध्‍ये परस्‍पर सामंजस्‍याने व समन्‍वयाने तडजोड झालेली आहे. तडजोडपत्रावर तक्रारकर्ती व विरुध्‍द पक्ष यांची स्‍वाक्षरी आहे. असे दिसते की, उभयतांनी अटीदर्शक तडजोडपत्र तयार केलेले आहे.

3.    विरुध्‍द पक्ष यांनी लेखी अर्जाद्वारे विनंती केली की, तडजोडीनुसार त्‍यांनी तक्रारकर्ती यांना 3 हप्‍ते दिलेले आहेत आणि ग्राहक तक्रार निकाली काढावी. त्‍यापृष्‍ठयर्थ त्‍यांनी खाते उतारा दाखल केला आहे.

4.    तडजोडपत्रानुसार विरुध्‍द पक्ष यांनी तक्रारकर्ती यांना रक्‍कम अदा न केल्‍यास त्‍या-त्‍या देय तारखेपासून द.सा.द.शे. 9 टक्‍के व्‍याज दराने देय रक्‍कम मिळण्‍यास तक्रारकर्ती पात्र राहतील, अशा निर्देशासह ग्राहक तक्रार निकाली काढणे न्‍यायोचित आहे. अंतिमत: खालीलप्रमाणे आदेश करण्‍यात येतो.

आदेश

(1) उभय पक्षांतील तडजोडपत्राच्‍या अधीन राहून ग्राहक तक्रार निकाली काढण्‍यात येते.

(2) उभय पक्षांतील तडजोडपत्रानुसार विरुध्‍द पक्ष यांनी तक्रारकर्ती यांना रक्‍कम अदा न केल्‍यास सदर अदेय रक्‍कम त्‍या-त्‍या देय तारखेपासून द.सा.द.शे. 9 टक्‍के व्‍याज दराने द्यावी.

(श्री. मुकुंद भ. सस्‍ते)                                   (श्री. शशांक श. क्षीरसागर)                            

   ज्‍येष्‍ठ सदस्‍य                                            सदस्‍य  

     जिल्‍हा ग्राहक तक्रार निवारण आयोग, उस्‍मानाबाद.

    -oo-