ग्राहक तक्रार क्रमांक : 285/2021.                               आदेश दिनांक : 27/12/2022.

सगुणाबाई माधव ढोबळे, वय 40 वर्षे, व्यवसाय : घरकाम,

रा. ढोबळेवाडी, पो. निटूर, ता. निलंगा, जि. लातूर.                                     तक्रारकर्ती

                        विरुध्द

विभागीय व्यवस्थापक, दी ओरिएंटल इन्शुरन्स कंपनी लि.,

लातूर, विभागीय कार्यालय : लोखंडे कॉम्प्लेक्स, पहिला मजला,

सिंध टॉकीजसमोर, सुभाष चौक, लातूर, ता. जि. लातूर.                            विरुध्द पक्ष

गणपूर्ती :          मा. श्रीमती रेखा जाधव, अध्‍यक्ष (अतिरिक्त कार्यभार)

                        मा. श्री. रविंद्र शे. राठोडकर, सदस्य

तक्रारकर्ती यांचेकरिता विधिज्ञ :- प्रमोद एल. शिंदे

आदेश 

मा. श्रीमती रेखा जाधव, अध्‍यक्ष (अतिरिक्त कार्यभार) यांचे द्वारा :-

(1)       तक्रारकर्ती यांनी त्यांच्या पतीच्या अपघाती मृत्यूपश्चात गोपीनाथ मुंडे शेतकरी अपघात विमा योजनेनुसार रु.2,00,000/- विमा रक्कम देण्याकरिता विरुध्द पक्ष यांना आदेश करावा, अशी विनंती प्रस्तुत ग्राहक तक्रारीद्वारे केलेली आहे.

(2)       ग्राहक तक्रार दाखल करुन घेण्यात आली आणि विरुध्द पक्ष यांना सूचनापत्र काढण्याचा आदेश करण्यात आला. विरुध्द पक्ष यांना सूचनापत्र बजावणी करण्यासाठी तक्रारकर्ती यांचे विधिज्ञांनी सूचनापत्र स्वीकारले. त्यानंतर विरुध्द पक्ष यांना सूचनापत्र पाठविणे / बजावणी करण्यासंबंधी काय कार्यवाही केली नाही, याचे स्पष्टीकरण व पुरावा नाही. मागील अनेक तारखेपासून तक्रारकर्ती व विधिज्ञ अनुपस्थित आहेत. नैसर्गिक न्याय-तत्वानुसार विरुध्द पक्ष यांना सूचनापत्र बजावणे आवश्यक आहे. उचित संधी प्राप्त होऊनही तक्रारकर्ती यांनी आवश्यक पूर्तता केलेली नाही. ग्राहक तक्रारीच्या अनुषंगाने तक्रारकर्ती यांना स्वारस्य दिसून येत नाही. ग्राहक तक्रार कालबध्द मुदतीमध्ये निर्णयीत करण्याचे बंधन पाहता उचित कार्यवाहीअभावी  ग्राहक तक्रार रद्द करण्यात येते.

(श्री. रविंद्र शे. राठोडकर)                                                   (श्रीमती रेखा  जाधव)                

             सदस्‍य                                                                     अध्यक्ष (अतिरिक्त कार्यभार)             

जिल्हा ग्राहक तक्रार निवारण आयोग, लातूर (महाराष्ट्र)

-०-