जिल्हा ग्राहक तक्रार निवारण आयोग, उस्मानाबाद.
ग्राहक तक्रार क्रमांक : 128/2019. तक्रार दाखल दिनांक : 08/08/2019. तक्रार आदेश दिनांक : 16/10/2020. कालावधी: 01 वर्षे 02 महिने 08 दिवस
श्री. पांडुरंग पि. शंकर सावंत, वय 65 वर्षे,
व्यवसाय : पेन्शनर, रा. तेरखेडा, ता. वाशी, जि. उस्मानाबाद. तक्रारकर्ता
विरुध्द
(1) कार्यकारी संचालक, उस्मानाबाद जिल्हा मध्यवर्ती सहकारी बँक लि.,
मुख्य कार्यालय, उस्मानाबाद.
(2) व्यवस्थापक, उस्मानाबाद जिल्हा मध्यवर्ती सहकारी बँक लि.,
शाखा : तेरखेडा, ता. वाशी, जि. उस्मानाबाद. विरुध्द पक्ष
गणपुर्ती :- (1) श्री. किशोर दत्तात्रय वडणे, अध्यक्ष
(2) श्री. मुकुंद भगवान सस्ते, सदस्य
तक्रारकर्ता यांचेतर्फे विधिज्ञ :- आर.एस. गायकवाड
विरुध्द पक्ष यांचेतर्फे प्रतिनिधी
आदेश
1. उभय पक्षांमध्ये दि.14/5/2020 रोजी झालेल्या तडजोड पत्रानुसार विरुध्द पक्ष यांनी तक्रारकर्ता यांना बचत खाते क्र.2270 मधील रक्कम प्रत्येकी रु.1,05,000/- अशा स्वरुपात एकूण 10 हप्त्यांमध्ये दि.16/3/2020 ते 16/6/2022 कालावधीमध्ये द्यावयाची आहे.
2. अभिलेखावर दाखल तडजोडपत्राचे अवलोकन केले असता उभय पक्षांमध्ये परस्पर सामंजस्याने व समन्वयाने तडजोड झालेली आहे. तडजोडपत्रावर उभय पक्षांची स्वाक्षरी दिसून येते. असे दिसते की, उभयतांनी अटीदर्शक तडजोडपत्र तयार केलेले आहे. न्यायाच्या दृष्टीने तक्रारकर्ता यांना तडजोडपत्रानुसार रक्कम प्राप्त न झाल्यास त्या-त्या नमूद तारखेपासून देय रक्कम द.सा.द.शे. 9 टक्के व्याज दराने देय रक्कम मिळण्यास तक्रारकर्ता पात्र राहतील, अशा निर्देशासह ग्राहक तक्रार निकाली काढणे संयुक्तिक आहे. अंतिमत: खालीलप्रमाणे आदेश करण्यात येतो.
आदेश
(1) उभय पक्षांच्या वतीने तडजोडपत्र दाखल करण्यात आले. उभयतांमध्ये झालेली तडजोड मंजूर करण्यात येते आणि तडजोडपत्राप्रमाणे ग्राहक तक्रार निकाली काढण्यात येते.
(2) उभय पक्षांतील तडजोडपत्रानुसार विरुध्द पक्ष यांनी तक्रारकर्ता यांना रक्कम अदा न केल्यास सदर उर्वरीत देय रकमेसह तडजोड पत्रावर नमूद केलेल्या तारखेपासून संपूर्ण देय रक्कम अदा करेपर्यंत द.सा.द.शे. 9 टक्के दराने व्याज द्यावे.
(श्री. मुकुंद भ. सस्ते) (श्री. किशोर द. वडणे) सदस्य अध्यक्ष
जिल्हा ग्राहक तक्रार निवारण आयोग, उस्मानाबाद.
-oo-
(संविक/स्व)
