जिल्हा ग्राहक तक्रार निवारण मंच, उस्मानाबाद.
ग्राहक तक्रार क्रमांक : 57/2019. तक्रार दाखल दिनांक : 14/02/2019. तक्रार आदेश दिनांक : 05/02/2021. कालावधी: 01 वर्षे 11 महिने 23 दिवस
लक्ष्मण यशवंत शिंदे, वय 70 वर्षे, व्यवसाय : शेती,
रा. चिंचपूर, ता. भुम, जि. उस्मानाबाद. तक्रारकर्ता
विरुध्द
(1) कार्यकारी संचालक, उस्मानाबाद जिल्हा मध्यवर्ती सहकारी बँक लि.,
मुख्य कार्यालय, उस्मानाबाद.
(2) व्यवस्थापक, उस्मानाबाद जिल्हा मध्यवर्ती सहकारी बँक लि.,
शाखा : वालवड, ता. भुम, जि. उस्मानाबाद. विरुध्द पक्ष
गणपुर्ती :- (1) श्री. मुकुंद भगवान सस्ते, सदस्य
(2) श्री. शशांक शरदचंद्र क्षीरसागर, सदस्य
तक्रारकर्ता यांचेतर्फे विधिज्ञ :- बी.टी. लोमटे
विरुध्द पक्ष यांचेतर्फे प्रतिनिधी
आदेश
1. उभय पक्षांमध्ये दि.10/7/2019 रोजी झालेल्या तडजोड पुरसीसच्या अनुषंगाने विरुध्द पक्ष यांनी पूर्तता करण्याची अंतीम तारीख दि.11/7/2020 होती. तडजोड पुरसीसचे अवलोकन केले असता असे दिसते की, दि.11/7/2019 ते दि.11/7/2020 या कालावधीमध्ये विरुध्द पक्ष यांनी बचत खाते क्र.6107 मधील रक्कम एकूण 5 हप्त्यांमध्ये प्रतिहप्ता रु.22,000/- याप्रमाणे तक्रारकर्ता यांना अदा करण्याची होती.
2. अभिलेखावर दाखल तडजोडपत्राचे अवलोकन केले असता उभय पक्षांमध्ये परस्पर सामंजस्याने व समन्वयाने तडजोड झालेली आहे. तडजोडपत्रावर तक्रारकर्ता व विरुध्द पक्ष यांची स्वाक्षरी आहे. असे दिसते की, उभयतांनी अटीदर्शक तडजोडपत्र तयार केलेले आहे.
3. विरुध्द पक्षातर्फे विनंती करण्यात आली की, तडजोडीप्रमाणे त्यांनी तक्रारकर्ता यांना सर्व हप्ते दिलेले आहेत आणि त्यामुळे प्रकरण निकाली काढावे. त्यापृष्ठयर्थ त्यांनी अभिलेखावर खाते उतारा दाखल केला आहे.
4. खाते उता-याचे अवलोकन केले असता रु.22,000/- याप्रमाणे 5 वेळा तक्रारकर्ता यांना रक्कम अदा केल्याचे निदर्शनास येते. आमच्या मते, तडजोडीचे अनुपालन झालेले आहे आणि ग्राहक तक्रार निकाली काढणे न्यायोचित आहे.
आदेश
(1) उभय पक्षांच्या तडजोडपत्रानुसार तक्रार निकाली काढण्यात येते.
(श्री. मुकुंद भ. सस्ते) (श्री. शशांक श. क्षीरसागर)
ज्येष्ठ सदस्य सदस्य
जिल्हा ग्राहक तक्रार निवारण आयोग, उस्मानाबाद.
-oo-
