Dear sir,

meri english achhi nahi hai isliye aise likh raha hoon. main 27 year old ek married man hoon aur meri ek 2 years ki ladki hai.

March,2009 ko mari thai main pain hua pain shooru hone ke 2 din baad who bahut jyada badh gaya main apne city ke central hospital, faridabad main gaya. wahan unhone mujhe admit kar liya aur kuch test karane ko kaha. unhone mera blood test aur back bone ki MRI karwai, reports ane se pehle hi who kehne lage ke shayad BONE TB ho sakti hai. teen din baad meri TB ki report bhi aa gayi jo ke negetive thi, phir bhi doctor ne mujhe kaha ki ehtiyat ke taur par aap TB ki medicine shooru kar do. aur unhone usi din mujhe discharge kar diya aur TB ki medicine bhi likh di. maine unse bar bar kaha ki sir meri reports meain to TB NEGETIVE aa rahi hai phir aap log iski medicine kyon shooru kar rahe hain. to unhone apne senior doctor se consalt karke kaha hamari baat mano hum doctor hain galat advise nahi denge tumhe TB hai yeh report itni reliable nahi hai lekin tumhare symptoms TB show kar rahe hain jiski wajha se tumhari thai main pain rehta. maine medicine shooru kar di. mujhe unki medicine se koi bhi fayada nahi hua aur Medicine shooru karne ke 4-5 din bad hi 21 march ko mari halat raat 11;00 baje itni jyada kharab ho gai chest ke centre main bahut jor ka pain ho gaya, mujhe saans lene main takleef hone lagi aur na hi main hil paa raha tha, thoda sa bhi hilne par meri chest main dabaw ke saath bahut jor ka pain hota tha, aur saans lene main taklif ho rahi thi, mujhe laga ke main aaj nahi bachoonga, main usi time central hospital gaya, wahan unhone mujhe emergency main le ke mera chest ka x-ray kiya jo normal tha, ECG ki jo normal thi, unhone mujhe 2 injection diye aur 2 ghante baad ghar bhej diya. uske baad meri chet main dabaw rehne laga aur saans lene main bhi pareshani rehne lage. uske baad 25 march ko main phir central hospital ki OPD main gaya aur apne doctor se mila. maine unhe apni haalat ke bare main bataya unhone kaha ki yeh sab gas ban ne ki wajha se ho raha hai. maine unhe kaha ki doctor mujhe isse pehle kabhi gas ki shikayat nahi rahi hai phir achanak kaise, to unhone kaha ki TB ki medicine side effects ki wajha se kabhi kabhi hota hai. Maine unhe phir kaha ki sir jab mujhe TB hai hi nahi to aap meri TB ki medicine band kyon nahi kar dete, to phir unka wahi purana jawab tha ki symptoms TB ke hain. Doctor ne mujhe phir se TB ki medicine ke liye chalu rakhne ke liya likha. maine doctor ki baat mani kyonki mariz ke liye to doctor hi bhagwaan hote hain. uske baad 10 din tak main central hospital ki batai medicine hi leta raha, Lekin mujhe unki medicine se koi bhi araam nahi mil raha tha, hospital se discharge hone ke baad se hi main bed par hi tha mujhe bed se utra bhi nahi jata tha aur pain bhi din b din badhta hi ja raha tha, meri halat din b din bigadti hi jaa rahi thi.

Phir maine 5 april ko delhi main Dr. PR Goyal se appointment li. unhone phir se mere blood test kiye aur TB ka test bhi karaya wo bhi negetive aya. lekin Dr. PR Goyal ne mera lever ke liye test dekh kar kaha ki TB ki medicine se lever ko nuksaan hua hai. Dr. ne meri TB ki medicine usi time band kara di. Unhone meri bimari ke liye apni karai reports aur Central hospital ki MRI dekh kar kaha ki meri back bone ke ass pass soojan hain jis wajha se mari legs main jane wali nerves pe dabaw padta hai aur thai main pain hota hai. Sahi ilaz na hone ki wajha se yeh problem aur jyada badh gai hai jise ab theek hone main 6 month thak lag sakte hain. Unhone mujhe iske liye medicine de di aur complete bed rest karne ke liye kaha, inki medicine se mujhe aram hone laga aur ab ja karke main theek ho gaya hoon.

Central hospital aur uske doctor ki galti se sahi Ilaz na hone ki wazah se mujhe 8 month tak bed par rehna pada is period ke beech main meri medicine ka kharcha, mera taxi se delhi ane jane ka kharcha, special deiet ka kharcha, aur dimagi taur par jo pereshani hui TB ki wajah se aur uske baad bed rest ke dauran, aur meri family ko jo kuch jhelna pada hai, Aur galat medicine ki wazah se meri life ke sath jo khilwad hua hai. Main uske liye un par case file karna chata hoon.

Main ESCORTS TRACTORS LTD. main as a manager G-1 Grade main kaam karta tha 5th jan ko hi meri appointment hui thi. Kai saloon ke baad mujhe ek permanent job mili thi lekin. Galat ilaz aur medicine ki wajah se mujhe 8 months ke bed rest par jana pad gaya company ne mujh par resign ke liye dabaw banana shuru kar diya, Jinke reff. se main laga tha unhone bhi mujhse kaha ki main resign kar doon kyon ki jis post par main tha who bahut hi important thi aur mere bina us post par sara kaam ruka hua tha aur mere dipartment ko bahut dikkat ho rahi thi aur mere resign ke bina company kisi aur ko appoint nahi kar paa rahi thi, isliye company ne mere se resign le liya. meri company main salary 15000/- PM thi.

Job lagne ke baad maine ek apni property lene ki sochi jiski value 35,00,000 thi aur maine march month main 10% 3,00,000/- ka bayana kar diya baki ka amount bank se loan karana tha father ki income aur meri incom ko sath milakar mujhe loan milna tha. mujhe property ki registry ke liye 3 month ka time mila, lekin hospitalise hone ke baad bhi meri haalat aur bigadti gai to main apna office phir se join nahi kar paya aur meri salary slip NIL ane lagi, may month mai jab maine apne loan karane wale executive ko bola to usne salary slip mangi lekin wo to nil thi, aur mere father ki akele ki itni income nahi thi ki sirf unki income par loan ho pata. mera loan reject ho gaya aur maine jo bayana kiya tha wo mar gaya meri ab tak ki sari jama poonji khatam ho gai.

Please help me in this matter and please tell me how can i file the case against the hospital and doctor. and how much i can claim on hospital.